Գոհար Սարդարյան
Աշխարհագրության ուսուցչուհի
Սիրում եմ իմ մասնագիտությունը և առարկան, ուստի գտնում եմ, որ շատ կարևոր է այն փաստը, որ, աշխարհագրութուն դասավանդելով, մենք աշխարհը ներկայացնենք որպես մեկ ամբողջություն։
Աշխարհագրությունը սովորեցնում է կարդալ քարտեզ, որն էլ իր հերթին օգնում է սովորողներին ճիշտ պատկերացնել աշխարհագրական առանձին օբյեկտների տեղը և դրանց տարածական փոխհարաբերությունները։
Աշխարհագրություն դասավանդելով ոչ միայն կարող ենք զարգացնել սովորողների կրթական մակարդակը, այլ նաև դաստիարակել նրանց հայրենասիրական ոգով։
Միայն հայրենիքը խորապես ճանաչելով է հնարավոր ըստ արժանվույն գնահատել նրա զարգացման հեռանկարներն ու իրական հնարավորությունները, ճիշտ կողմորոշվել համաշխարհային և տարածաշրջանային նշանակության իրադարձություններում, տեսնել մեր դեմ ծառացած մարտահրավերները և պատկերացում ունենալ դրանց դիմակայելու ուղիների վերաբերյալ։
Մասնագիտական կայուն գիտելիքների, մանկավարժական տակտի ու տեխնիկական միջոցներով անց եմ կացնում հետաքրքիր դասեր, ստեղծում՝ ուսուցիչ-աշակերտ առողջ փոխհարաբերություններ։
ԿԵՆՍԱԳՐԱԿԱՆ ՏՎՅԱԼՆԵՐ
Տարեթիվ, ծննդավայր
1975թ․, ԱՀ, Հադրութի շրջան, գ․ Ազոխ
Կրթություն
1982-1992թթ․ սովորել եմ Հադրութի շրջանի գ․ Ազոխի միջնակարգ դպրոցում։
1992-1997թթ․՝ Արցախի պետական համալսարանի «Բնագիտական» ֆակուլտետի «Աշխարհագրություն» բաժնում։
2007, 2012 և 2017 թվականներին մասնակցել և ՀՀ ԿԳՆ «Կրթության ազգային ինստիտուտ» ՓԲԸ-ի կողմից ստացել եմ հանրակրթական ուսումնական հաստատության ատեստավորման ենթակա ուսուցիչների համար նախատեսված վերապատրաստման դասընթացի վկայական։
2019 թվականին մասնակցել եմ «Դասավանդի՛ր, Հայաստան»-ի կողմից կազմակերպված «Սահմանելով կրթության նոր տեսլականը» խորագրով Արցախի կրթական առաջին ֆորումին՝ արժանանալով հավաստագրի։
Աշխատանքային գործունեություն
1997-1998թթ․ աշխատել եմ Հադրութի շրջանի Տող գյուղում որպես աշխարհագրության ուսուցչուհի։
2021 թվականի սեպտեմբերի 1-ից աշխատում եմ Արմավիրի մարզի Մուսալեռ գյուղի «Ֆրանց Վերֆելի» անվան միջնակարգ դպրոցում որպես աշխարհագրության ուսուցչուհի։
Այլ տեղեկություններ
Գործունեությանս ընթացքում եղել եմ աշխարհագրություն առարկայի խմբակավար։ 2017 թվականին մասնակցել եմ 7-րդ դասարանի ուրվագծային քարտեզի ստեղծման և ձևավորման աշխատանքներին։
Աշակերտներս տարբեր տարիների մասնակցել են աշխարհագրություն առարկայի օլիմպիադայի շրջանային և հանրապետական փուլերին, գրավել մրցանակային տեղեր, որոնց համար արժանացել են պատվոգրերի և դրամական պարգևների։
2017 թվականին N19 /4196/ «Դիզակ» թերթը անդրադարձել է մանկավարժական գործունեությանս՝ հրատարակելով նյութ՝ «Կոչմանը» արժանի վերնագրով։
Անձնական տվյալներ
Ամուսնացած եմ, ունեմ երկու երեխա։
